Hapet hoteli që pranon vetëm gra

23:38 | 3 Tetor 2019
Trina Galanxhi

Një hotel i ri në Majorca nuk lejon asnjë burrë brenda dhe ka hapur dyert vetëm për gratë.

Hoteli Som Dona në Porto Cristo është ekskluzivisht për gratë e moshës 14 vjeç e lart, të cilat ” kërkojnë të shkëputen nga stresi i jetës së përditshme”, transmeton portali arbresh.info

Hoteli ka 39 dhoma, një pishinë, një me çati të lartë, restorant dhe një qendër që ofron masazhe dhe trajtime bukurie.

Ky është hoteli i parë në të cilin lejohen vetëm gratë në Spanjë dhe një natë aty kushton rreth 85 dollarë.

Në përshkrimin e hotelit thuhet se dhomat janë të ndritshme dhe të bollshme dhe se mobiljet janë modern dhe shumë të rehatshme.

Edhe pse burrat nuk janë të lejuar, hoteli ka bërë përjashtime, pasi disa nga të punësuarit janë burra, në mënyrë që të respektohen të drejtat gjinore në punë.

Menaxheri i hotelit, Joan Enric Capella, ka deklaruar se hoteli është projekt inovativ që pritet të ndiqet nga trendi i turizmit. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm